Nao un paar lastige coronajaore steit CV De Beringse Kuus te popele um te beginne aan un neij vastelaovesseizoen! En det vastelaovesseizoen begint over exact ein mandj op 12 november! Ut programma vûr de mandj november:
12 november: Opening seizoen
Um 19.11 oor zal Prins Rick I zien litste officiële taak verrichte en det is ut seizoen opene door de Kuuzevlag te hijsse beij ut Kuuzemonument van CV De Beringse Kuus.
12 november: Prinsebal
Aansloehtend aan ut opene van ut seizoen is idderein welkom in Kuuzetempel De Wieksjlaag waor um 20.11 oor de neije jeugdhiërsers van CV De Beringse kuus i.s.m. JWB bekind wurt gemakt. Oeht 18 jonges en maedjes van de BliksemBende zal op een spannende manier unne jeugdprins en jeugdprinses versjiehne. Koom kiehke allemaol!!!
12 november: Aafsjied Prins Rick
Naodet de jeugd un paar eurkes heet kinne fiëste is ut um 21.30 oor tiehd gewore vur Prins Rick um nao bijna 3 jaor aafsjiehd te neme as langst regerende prins oëits. En as Rick zien steek en vaere heet ingeleverd kinne wae aaftille nao 22.11 oor. Dan kumt d’r unne neije hiërser dae sinds dit jaor neet allein op de buhne steit. Vanaaf 2022 kriegt de Beringse hiërser unne eige adjudant dae um de ganse vastelaovend beij steit. Ut programma van de onthulling zal in ut teiken staon van ut motto ‘Det Klinkt!’. Onger angere unne artiest zal deil oehtmake beij ut oehtrope en auch de Beringse minse zien nuddig um de onthulling te laote slage! Volg de socials want in de waek veuraafgaond aan ut Prinsebal zal d’r wat miër info bekind waere gemakt.
19 november: Late Night Liedjesfestival in Beringe
Noa twieë joar stilzwiege mooge wae wèr gaon zinge want op zatterdig 19 november gaon wae in Beringe ut “Late Night Liedjesfestival 2022” belaeve in café de Nabber. Dit jaor zien der viëf artieste te beloester, veer oet Beringe en eine oet Valkenburg. Valkenburg? Joa Valkenburg… Andy en Roy!!
Dus kom nao café de Nabber op zatterdig 19 november vanaaf 20.30 oor.